التدوين دليل وجودك في الحياة

صدفة .. الحلقة السابعة 

206

صدفة .. الحلقة السابعة 

يوم جديد بعد ما صار عامر مدير التطوير في المصنع 

وهديل مليانه غيرة من العنود من لاشيء 

عامر يصحى الصباح ويعدي على العم سامي ويروحوا المصنع مع بعض 

يركب السيارة : صباح الخير يا عامر

عامر : صباح النور ياسيدي 

سامي : صباح اخر يوم في دوامك هذا وسيارتك راح تودعها 

عامر .. مافهمت ؟!

سامي :يعني اليوم اول يوم دوام في مكتبك وكمان سيارتك الجديدة جاهزة عند المصنع .. 

لازم المدير يكون عنده سيارة ويرتاح في المشاوير

عامر : مصدوم ! 

تسلم يا عم سامي ماتقصر لكن انا ماطلبت سيارة

سامي : ولا لكن ولا شي 

دحين افهمك الشغل كيف يمشي واترك لك انت بطريقتك تدير المصنع 

وانا اهم شي عندي الامانة والوضوح حتى لو ماصار فيه دخل للمصنع اهم شي تكون واضح معايا

عامر : ان شاءلله انا وفريق العمل نكون واضحين وقد المسؤولية  

*****

في المصنع الوضع العام أجواء تفائلية و الموظفين متقبلين التغييرات الجديدة 

مستقبلين العم سامي ومعاه عامر 

الكل رحب فيه وبدأ عم سامي يشرح للموظفين الطلبات ويفهم عامر الشغل كيف ماشي 

وبعد ساعتين .. 

عامر تجيه رسالة من هديل تقدر تعدي عليا البنك تاخدني للبيت ؟ 

يرد عليها : ايش في !! خير ؟؟ 

هديل : مافي شي بس خلصت دوام وقلت اذا تقدر تعدي عليا ؟ 

عامر : طيب شوية وجايك .. 

عامر يقول لسامي : انا ابغى استاذن اروح مشوار وارجعلك 

سامي : طيب ياولدي انا جالس هنا الين الليل خلص وتعال براحتك 

*****

عامر وهديل في السيارة راجعين : 

هديل :لسه انت تخرج مع العنود ؟ 

عامر : اخرج فين ؟ ياهديل هذي بنت الراجل الي اشتغل معاه 

هديل : طيب هيا تشتغل معاك في المصنع ؟

عامر : لا ، مسافرة بعد كم يوم امريكا تدرس هناك وحتريحك 

هديل : ما اعرف بس انقهرت لما شفتها معاك ماحبيتها

عامر : ترى قالت عنك كلام كويس وانك خدومة حتى من قبل لا تطلعيلها البطاقة 

وبعدين لاتحكمي على الناس من اشكالها وترى سمعناكم انتي وصحبتك لما خرجنا من البنك .

هديل : طيب ايش سويت في موضوع الزواج ؟ 

عامر : ياشيخة .. يعني انتي وامي عليا.. بعدين انتي زي اختي 

هديل : انا ما اعرف احد غيرك من صغري ولو ابغى اتزوج ما ح اتزوج غيرك

عامر : ان شاءلله خير لاتشيلي هم ، خليني اشوف ايش حيصير في المصنع وربك كريم دوم 

*****

وصلوا عند بيت هديل قالت له : اطلع امك عندنا 

عامر : لا ما اقدر عندي مشاوير مع العنود ويبتسم 

هديل : ياربي برضو العنود !! 

عامر : ترى نسيت اقلك يمكن العنود تحتاج مرافق معاها للبعثة في امريكا 

هديل : تشمق وتقول .. روح ياحبيبي روح عند الكفار ان شاءلله ترمب يمنعكم 

عامر : هههه العنود مسلمة على فكرة 

تقفل هديل الباب بقوة وتطلع بيتها 

عامر يرجع المصنع … 

وتنتهي الحلقة السابعة

10 Comments
  1. ياسمين says

    😂😂😂😂👏👏الله يسعدك ياقتيبة حلقة خفيفة لطيفة

    1. قتيبة تركستاني says

      شكرا ياسمين

  2. SohailA says

    حلوييين ، عجبتني الحلقة ونستنا كل جديد 😍😂💕

    1. قتيبة تركستاني says

      شكرا سهيلة

  3. غير معروف says

    حلقة خفيفة لطيف وجميلة نستنا الجزء الثامن ويكون اطول في الاحداث

    1. قتيبة تركستاني says

      راح احاول أطولها لكن لازم تشويق

  4. نضال says

    مبدع يا قتيبه حبيت العفويه والسلاسه في الاسلوووووووووووب إسسسستمر 👏🏼👏🏼👏🏼

    1. قتيبة تركستاني says

      ايش توقعاتك للحلقات الجاية ..

  5. ناصر قدح says

    مافي صدفة كده تخليك تخلص القصة سريع ههه
    بالتوفيق يا صاحبي منتظرين التتمة

    1. قتيبة تركستاني says

      أسعدني مرورك دكتور

Leave A Reply

Your email address will not be published.